Panimula
Introduction

Patuloy ang pagtaas ng bilang ng mga taong may demensya. Naitatalang sa 5-8% ng populasyon na nasa edad 60 pataas ang may demensya.

Ang demensya ay isa sa mga nangungunang dahilan ng kapansanan at pagpapasustento ng mga matatanda. Dahil dito, apektado ang ibang mga tao, kanilang mga pamilya, mga komunidad at ang lipunan.

Ano nga ba ang Demensya?What is Dementia?

Ang demensya ay isang pangmatagalan at lumalalang sakit. Ang mga taong may demensya ay nakakaranas ng paghina ng kakayahan ng isip na hindi karaniwan sa normal na pagtanda. Naaapektuhan ng demensya ang memorya, pag-iisip, orientasyon, pag-unawa, kalkulasyon, kakayahang matuto, lengguahe at pagpapasya.

Toolkit para sa Komunidad

Gabay na Tutulong sa Komunidad sa Pag-aasikaso at Pangangalaga sa may Demensya

Para kanino itong toolkit? Who is the toolkit for?

Ang toolkit na ito ay para sa sinumang nagtatrabaho sa komunidad na nakapagtapos ng sekondarya o pataas.

Ano ang layunin ng toolkit na ito? What is the purpose of this toolkit?

Layunin ng toolkit na mabigyan ng training at kakayahan ang mga community workers para:

Matukoy ang mga taong nanganganib na magkademensya at mai-refer ang mga ito sa doktor kung kinakailangan;
Magbigay ng suporta sa mga taong may demensya, sa kanilang mga pamilya at tagapag-alaga;
Mapasigla ang komunidad na makibahagi sa mga gawain o proyekto na may kinalaman sa demensya para magkaroon ng higit na suporta ang komunidad sa mga may demensya.

Buksan

Malusog na Pagtanda

Inaasahang aabot na sa dalawang bilyon ang bilang ng mga taong may edad na 60 pataas sa taong 2050, halos doble ng bilang noong 2015 (900 milyon) (13). Noong 2019, mahigit 108 milyon ang populasyon sa Pilipinas, kung saan 12% nito ay nasa edad 55 pataas. Tinatayang 5% naman ang nasa edad 65 pataas (60).

Maraming pangyayari ang maaring nag-ambag sa paghaba ng buhay ng mga tao ngayon. Kasama rito ay ang pagpapabuti sa sanitasyon, malinis na tubig, wastong paghanda ng pagkain, mabuting pabahay, mas mahusay na edukasyon, mabuting kamalayan sa kalusugan at mga pagsulong sa agham medikal (61). Maraming mga hamon ang sumasabay sa mahabang buhay, at ang mga ito ay kinakailangang pagtagumpayan upang makamit ng lahat ang mabuting kalidad ng buhay.